ساعات بشتاق ....
ليوم عشته وأنا صغير
... لشكلي قبل ما أتغير ... لأيام فيها راحة البال
عشان كنا ساعتها عيال
.. ساعات بشتاق للحب القديم ..
ولصوت عبد الحليم....
لنومي في حضن لبس العيد ..
وإحساسي إن بكره بعيد
.. لفنجان قهوة من (( أمي )) وأنا بذاكر ..
لفرحه بوي لما أنجح
وأكون شاطر .. للمة عيله في الصيف
لما بنسافر على مطروح
... لأول لمسةمن ايد الي حبيتها ..
لضحكتهاورقتها وبراءتها ..
لدمعه في عيني يوم البعد خبيتها
وأنا مجروح ...
ساعات بشتاق .....
لخالي وعمي ولجدي ...
لحواديت من بتوع ستى ....
لليله من ليالي زمان
.. لفرح بيملا كل مكان ..
ساعات بشتاق ... لبيتنا
الكبير ... ولناس مليانه خير ..
لاباتوا ف مرة يوم شايليين
ولا عملوا حساب لسنين
.. للعب الكورة في الشارع في حتتنا
لأمي وهيا بتعيد على
جارتنا .. لرمضان لما بنوره يهل على
بيتنا وكل مكان .. حاجات
عدى عليها سنين سابت فينا ..
صور جوانا عايشه زي
اسامينا ... ولا الدنيا ولا الأيام تنسينا
ليالي زمان ...
ساعــــــــــات بشتــــــــــــاق ....
No comments:
Post a Comment